Breaking News

मोदी ममा … तहीं बता … तोर गारंटी कहां हे ??? न महंगई कम करे हस, न 15 लाख मिलिस …

  • खेती किसानी के खर्चा भी बढ़ा दे हस
  • दुर्ग लोकसभा क्षेत्र की मतदाता डॉ अश्वनी जांगड़े बोली – मोदी ममा, अब तैं सुन … मोर मन के बात …
  द सीजी न्यूज मोदी ममा,  अतका दिन से तैं मन के बात सुनावत हस, अब तैं मोर मन के बात सुन … तैं दस साल पहिली कहे रेहेस के सबो झन ला 15 लाख देहूं … कहां हे हमर 15 लाख। 15 लाख तो दूर 15 हजार भी नई दे हस … दस साल पहिली तैं महंगाई कम करे बर बोले रेहेस … कम करना तो दूर तैं तो उलटा महंगाई ल बढ़ा दे हस … महतारी बहिनी मन के बड़े चिंता करइया बन के तैं रसोई गैस के कीमत कम करे के वादा करे रेहेस … लेकिन तोर राज में उलटा होगे … रसोई गैस के कीमत 475 रुपया से बढ़ा के 12 सौ रुपया कर दे हस … अभी लोकसभा के चुनई होना हे, त थोड़ा कमी हो गे हे, अभी 875 रुपया म सिलेंडर मिलत हे … मोदी ममा, तैं दस साल पहिली किसान मन के चिंता करत रेहेस, लेकिन दस साल म  किसान मन के तकलीफ ल अऊ बढ़ा दे हस … खेती किसानी ल महंगा करे के काम भी तहीं करे हस … समर्थन मूल्य बढ़ाना तो दूर खेती किसानी बर जरूरी खाद बीज, कीटनाशक दवई के कीमत ल बढ़ा के किसान मन के कमर तोड़ दे हस … तोर राज म तो डीजल के कीमत दुगुना हो गे हे … खेत म ट्रैक्टर चलाए में पूरा पईसा खर्चा होत हे … मोदी ममा, तोर राज के दस साल होगे हे, जतका वादा करे रेहेस … ओमा कोना वादा पूरा नई होय हे …  तोर वादा … तोर गारंटी … कहां हे ममा … इही बता दे कोन मुसुवा बिल म खुसर गे हे तोर गारंटी …  मोदी ममा, आखिर म एक बात बोलथ हौं … तैं लबारी मार के दू बार लोकसभा के चुनई (चुनाव) जीते हस … अतका लबारी मारना ठीक बात नई हे ममा … अऊ कतका झूठ बोलबे … बहुत होगे, अब तो लबारी मारना बंद कर ममा …

Check Also

फिल्म आंए बांए सांए 20 नवंबर को सिनेमाघरों में होगी रिलीज                

THE CG NEWS भिलाई। जबरदस्त कॉमेडी हॉरर व पारिवारिक फिल्म आंए बांए सांए 20 नवंबर से …

Leave a Reply

Your email address will not be published. Required fields are marked *

error: Content is protected !!